حیدرآباد ۔ 19 ۔ نومبر : ( سیاست نیوز) : وزیراعظم نریندر مودی ہندوستانی فنون اور روایات کو بہت اہمیت دیتے ہیں۔ اس کے ساتھ وہ میک ان انڈیا کو بھی فروغ دینے کے اقدامات کررہے ہیں ۔ وہ ہندوستانیوں کو مشورہ بھی دیتے ہیں کہ ہندوستان میں تیار کی گئی اشیاء کا استعمال کریں ۔ مودی کی تصویر جس میں وہ اپنے ہاتھ میں پہنے گھڑی کے ساتھ کافی وائرل ہورہی ہے جو جئے پوری واچ کمپنی نے بنائی ہے جو خاص لگثرری گھڑی نظر آرہی ہے ۔ اس گھڑی کا نام رومن باغ ہے ۔ یہ گھڑی 1947 میں جو ایک روپئے کا سکہ جاری کیا گیا تھا یہی ڈیزائن مکمل طور پر ہندوستانی ورثے اور میک ان انڈیا کے تصور کو ظاہر کرتا ہے ۔ یہ 43 ملی میٹر گھڑی 316L اسٹینلیس اسٹیل سے بنائی گئی ہے اور جاپانی میوٹا مومنٹ پر چلتی ہے ۔ پانی سے بچنے کے لیے گھڑی کے دونوں جانب نیلم کرسٹل گلاس لگایا گیا ہے جو اس گھڑی کی خوبصورتی میں اضافہ کرتا ہے ۔ اس گھڑی کی قیمت 55 ہزار روپئے سے 60 ہزار روپیوں کے درمیان ہے۔ جئے پور واچ کمپنی کے مالک گوتم مہتا ہے اور یہ کمپنی منفرد لگثرری گھڑیاں بنانے کے لیے پرانے ہندوستانی سکے ، ڈاک ٹکٹ اور روایتی ڈیزائن کا استعمال کرتے ہیں ۔۔ ش
