واشنگٹن : ترجمان کے مطابق امریکی سیکریٹری خارجہ مائیک پومپیو رواں ہفتے اب صرف جاپان کا دورہ کریں گے، مائیک پومپیو کو جاپان کے بعد جنوبی کوریا اور منگولیا بھی جانا تھا۔امریکی سیکریٹری خارجہ مائیک پومپیو نے اپنا ایشیاء کا دورہ امریکی صدر ڈونالڈ ٹرمپ کی کورونا وائرس کے باعث طبیعت خراب ہونے کی وجہ سے مختصر کیا ہے۔واضح رہے کہ امریکی صدر ٹرمپ اور ان کی اہلیہ میلانیا 2 روز قبل کورونا وائرس کا شکار ہوئے ہیں۔ ٹرمپ کی طبیعت سے متعلق وائٹ ہاؤس کا کہنا ہے کہ ان کے لیے ا?ئندہ 24 گھنٹے انتہائی اہم ہوں گے۔وائٹ ہاؤس کے چیف آف اسٹاف مارک میڈوز کے مطابق صدر پچھلے 24 گھنٹوں کے دوران انتہائی تشویش ناک صورتِ حال سے گزرے تاہم یہ واضح نہیں کہ صدر کی طبیعت مکمل بحال ہونے میں کتنا وقت لگے گا۔دوسری جانب امریکی صدر ٹرمپ نے اسپتال سے ویڈیو بیان جاری کیا ہے جس میں ان کا کہنا ہے کہ وہ پہلے سے بہتر محسوس کر رہے ہیں تاہم کورونا سے ریکوری کے لیے آئندہ چند روز اصل امتحان ہے۔