واشنگٹن:وسطی امریکی ملک گوئٹے مالا میں سمندری طوفان ’ایٹا‘ کے نتیجے میں موسلادھار بارشوں اور تیز ہواؤں کے باعث لینڈ سلائیڈنگ اور حادثات میں 50 سے زائد افراد ہلاک ہوگئے۔گوئٹے مالا کے صدر الیجینڈرو گیامیٹی کے مطابق نصف کے قریب ہلاکتیں ایک ہی علاقے میں ہوئیں جہاں لینڈ سلائیڈنگ کے نتیجے میں 20 مکان تباہ ہوگئے۔وسطی امریکا میں طوفان ایٹا کے نتیجے میں 70 سے زائد ہلاکتوں کا امکان ہے جبکہ شہروں کی سڑکیں اور گلیاں جھیل کا منظر پیش کر رہی ہیں۔طوفان کے ساحل سے ٹکرانے سے قبل ہزاروں افراد کو محفوظ مقامات پر منتقل کیا گیا۔
