ڈلاس (امریکہ) ۔وو یبنگ اوپن ایرا میں اے ٹی پی ٹور ٹرافی جیتنے والے پہلے چینی کھلاڑی بن گئے۔ تیزی سے بڑھتے ہوئے 23 سالہ نوجوان نے ڈیلاس اوپن کے فائنل میں جان اسنرکو 6-7(4)، 7-6(3)، 7-6(12) سے شکست دینے سے پہلے چار چمپئن شپ پوائنٹس بچائے۔اس ہفتے سے پہلے کوئی بھی چینی کھلاڑی اوپن ایرا میں ٹور لیول کے فائنل میں نہیں پہنچا تھا یا اے ٹی پی رینکنگ کے ٹاپ 10 میں کسی حریف کو شکست نہیں دے سکا تھا۔ وو نے ان دونوں کو ایک ہی بار میں عالمی نمبر 8 ٹیلر فرٹز کے خلاف اپنی سیمی فائنل میں فتح کے ساتھ حاصل کیا اور اتوار کے فائنل میں سنگ میل کی فتح کے ساتھ اپنی تاریخ ساز دوڑ جاری رکھی۔ کامیابی کے بعد انہوں نے کہا کہ میں نے یہاں اپنے ملک اور اپنے گھر کے لیے تاریخ رقم کی ۔ مجھے اپنے آپ پر بہت فخر ہے اور خاص طور پر ان تمام مداحوں اور میری ٹیم کا شکریہ جو میری حمایت کرنے کے لیے یہاں آئے ہیں۔
