سکریٹری اے آئی سی سی سچن ساونت کی صدر پردیش کانگریس سے ملاقات
حیدرآباد ۔ 21۔نومبر (سیاست نیوز) جنرل سکریٹری انچارج تلنگانہ میناکشی نٹراجن نے ریاست میں ووٹ چوری کے خلاف دستخطی مہم کیلئے کوآرڈینیشن کمیٹی تشکیل دی ہے۔ ووٹ چور گدی چھوڑ نعرے کے تحت ملک بھر میں کانگریس نے دستخطی مہم کا آغاز کیا ہے ۔ تلنگانہ کی کوآرڈینیشن کمیٹی کے صدرنشین ٹی رام موہن ریڈی رکن اسمبلی ہوں گے۔ ارکان میں وی شنکریا ایم ایل اے ، کے شنکر نائک ایم ایل سی ، ایم ستیم ایم ایل اے ، کے پشپا لیلا نائب صدر پردیش کانگریس ، بی کیلاش کمار نائب صدر پردیش کانگریس اور اے بھاسکر جنرل سکریٹری شامل ہیں۔ صدر پردیش کانگریس مہیش کمار گوڑ نے کمیٹی کے ناموں کا اعلان کیا۔ اسی دوران دستخطی مہم کو مزید تیز کرنے کیلئے اے آئی سی سی سکریٹری سچن ساونت نے صدر پردیش کانگریس مہیش کمار گوڑ سے بات چیت کی۔ انہوں نے کوآرڈینیشن کمیٹی کے ارکان کو ہدایت دی کہ دیہی سطح پر دستخطی مہم میں عوام کو شریک کریں۔ سکریٹری اے آئی سی سی نے کہا کہ بی جے پی ملک بھر میں ووٹ چوری کے ذریعہ انتخابات جیت رہی ہے ۔ بہار اس کی تازہ مثال ہے۔1
