بنگلورو: کرناٹک کے چیف الیکٹورل آفیسر (سی ای او) منوج کمار مینا نے انتخابی فہرستوں سے ووٹروں کی ذات یا مذہب سے متعلق معلومات کو حذف کرنے کے الزامات کو مسترد کر دیا ہے ۔ مینا نے منگل کو یہاں کہاکہ “ووٹر لسٹ میں ووٹروں کی ذات/مذہب سے متعلق کوئی معلومات نہیں ہوتی، اس لیے ووٹر لسٹ سے ذات/برادری کی بنیاد پر ناموں کو حذف کرنے کا سوال ہی پیدا نہیں ہوتا۔انہوں نے کہا کہ کانگریس نے الزام لگایا ہے کہ بھارتیہ جنتا پارٹی (بی جے پی) حکومت نے چلم ایجوکیشنل اینڈ رورل ڈیولپمنٹ انسٹی ٹیوٹ کے ساتھ مل کر اقلیتی اور دلت برادریوں کے ووٹروں کے نام ووٹر لسٹوں سے ہٹا دیے ہیں۔ انہوں نے کہا کہ اس الزام کے پیش نظر یہ وضاحت ضروری ہو گئی ہے ۔انہوں نے کہا کہ ان ووٹرز کے ناموں کو حذف کیا جاتا ہے جو مر چکے ہیں اور جو قانون کے مطابق عمل کرتے ہوئے دوسری جگہ گئے ہیں۔ انہوں نے کہا کہ اس کے علاوہ ڈپلیکیٹ اندراجات کو ایک سافٹ ویئر کی مدد سے ڈیکرپٹ کیا جاتا ہے جس سے آبادیاتی معلومات اور تصاویر کی مماثلت کی جانچ کی جاتی ہے ۔
