ماؤنٹ مانگانوئی، 21 دسمبر (آئی اے این ایس) ڈیون کونوے اور ٹام لیتھم کی 192 رنز کی اوپننگ شراکت کی بدولت نیوزی لینڈ نے تیسرے اور آخری ٹسٹ کے چوتھے دن ویسٹ انڈیز کو جیت کے لیے 462 رنز کا بڑا ہدف دے دیا۔ پانچویں دن مہمان ٹیم کو 418 رنز درکار ہوں گے اور اس کے تمام 10 وکٹ باقی ہیں۔ ویسٹ انڈیز نے اپنی پہلی اننگز 420 رنز پر ختم کی، جس میں کیوم ہوج کی ناقابلِ شکست 123 رنز کی اننگز نمایاں رہی۔ جواب میں کونوے (100) اور ٹام (101) نے شاندار سنچریاں اسکور کیں۔ کونوے ٹسٹ میچ میں ڈبل سنچری اور سنچری بنانے والے پہلے نیوزی لینڈر بن گئے۔ کین ولیمسن (40 ناٹ آؤٹ) اور راچن روندرا (46 ناٹ آؤٹ) کے بعد نیوزی لینڈ نے 306/2 پر اننگز ڈکلیئر کر دی۔ دن کے اختتام پر ویسٹ انڈیز 43/0 پر تھی۔ اگرچہ جیت مشکل دکھائی دیتی ہے، تاہم ڈرا کے امکانات موجود ہیں۔