حیدرآباد 4جنوری( یواین آئی ) تلنگانہ حکومت سے ٹریفک چالانات پر رعایت سے استفادہ کرکے عوام کی بڑی تعداد چالانات اداکررہی ہے ۔چالانات کی ادائیگی کیلئے ٹریفک پولیس کی ویب سائٹ اب آسانی سے کھل رہی ہے ۔ چالانات پر ڈسکاؤنٹ کے بعد عوام کا ہجوم امڈ پڑنے کی وجہ سے ویب سائٹ کھلنے میں مشکلات کا سامنا تھا۔ حیدرآباد ، سائبرآباد اور رچہ کونڈہ پولیس حدود میں ٹریفک چالانات کی ادائیگی میں تیزی پیداہوگئی ۔ اب تک بھاری رقم سرکاری خزانہ میں جمع کروائی گئی ہے ۔ ریاست بھر میں بھاری ٹریفک چالانات کو ختم کرنے یہ قدم اٹھایا گیا جس کی شہریوں کی جانب سے ستائش کی جارہی ہے ۔پولیس نے شہریوں سے اپیل کی کہ وہ اس ون ٹائم پیشکش سے فائدہ کریں ۔
