فیس بک ،انسٹاگرام کی بھی کارروائی
واشنگٹن : ٹوئٹر، انسٹاگرام اور فیس بک نے صدر امریکہ ڈونالڈ ٹرمپ کی جانب صدارتی انتخابات میں جیت کا دعویٰ کرنے کی تردید کر دی ہے۔امریکی صدر نے عوامی اجتماع سے خطاب کرتے ہوئے دعویٰ کیا ہے کہ تمام تر تحفظات کے باوجود ہم انتخابات جیت چکے اور بڑی کامیابی کا جشن منانے کیلئے تیار ہیں۔امریکی صدر نے صدارتی انتخابات کے نتائج سے قبل ہی جیت کا دعویٰ کیا ہے جب کہ ابھی صدارتی انتخابات کیلئے ووٹوں کی گنتی کا عمل جاری ہے۔اس بیان کے بعد سوشل میڈیا سائٹس فیس بک اور انسٹاگرام کی جانب سے صارفین کو فوری ایک نوٹیفکیشن بھیجا گیا ہے۔فیس بک اور انسٹاگرام نے صارفین کو بھیجے جانے والے نوٹیفکیشن میں تردید کی ہے کہ صدارتی انتخابات کے حتمی نتائج کا اعلان نہیں کیا گیا اور ووٹوں کی گنتی کا عمل جاری ہے۔دوسری جانب مائیکرو بلاگنگ سائٹ ٹوئٹر نے امریکی صدر کی جانب سے دھاندلی سے متعلق ٹوئٹ کو متنازعہ قرار دے دیا۔
