نئی دہلی : مرکزی وزیر برائے صحت وخاندانی بہبود انوپریہ پٹیل نے کہا ہے کہ ہندوستان میں تپ دق کا بہت بڑا بوجھ ہے اور اس کو ختم کرنے کے چیلنجوں پر قابو پانے کیلئے اجتماعی کوششوں کی ضرورت ہے ۔جمعرات کی شام یہاں ہریانہ میں تپ دق کے خاتمے میں پرائیویٹ اسپتال میدانتا کے ’’مشن ٹی بی فری‘‘مہم کے 10 سال مکمل ہونے پر ایک پروگرام میں حصہ لیتے ہوئے پٹیل نے کہا کہ ہریانہ میں سال 2024 میں تپ دق کے 54 ہزار 107 مریضوں کی تشخیص اور علاج ، جس میں نجی شعبے کا حصہ 38 فیصد تھا۔ انہوں نے کہا کہ میدانتا نے اس میدان میں خاص کردار ادا کیا ہے ۔ اس کے علاوہ ریاستی حکومت، یو ایس ایڈ اور پوری طبی برادری نے قابل ستائش کام کیا ہے ۔ اس موقع پر میدانتا کے چیئرمین اور منیجنگ ڈائرکٹر ڈاکٹر نریش تریہن اور ڈپٹی ڈائرکٹر ۔ ڈائریکٹوریٹ جنرل آف پبلک ہیلتھ سروسز، ہریانہ میں سنٹرل تپ دق محکمہ موجود تھے ۔مرکزی وزیر نے کہا کہ یہ تجربہ اب دہلی اور اتر پردیش میں بھی دہرایا جا رہا ہے ۔ اس کی شروعات لکھنؤ سے ہوئی ہے ، اور اسے ریاست کے دیگر اضلاع تک پھیلانے کا منصوبہ ہے ۔ ریاست کے اہم علاقوں میں تپ دق کی خدمات کو مزید مضبوط کیا جا رہا ہے ۔ نکشے پوشن یوجنا جیسے اہم اقدامات کو نجی شعبے کے ساتھ مل کر آگے بڑھایا گیا ہے اور تشخیصی سہولیات کو بڑھایا گیا ہے ، جس کے نتیجے میں ٹی بی کے واقعات میں 16 فیصد اور ٹی بی سے ہونے والی اموات میں 18 فیصد کمی واقع ہوئی ہے ۔ انہوں نے کہا کہ ٹی بی کے خاتمے کا مقصد صرف مستقل تعاون، اختراعی تشخیص اور کمیونٹی کی سطح پر دیکھ بھال سے ہی حاصل کیا جا سکتا ہے ۔ اس موقع کو نشان زد کرنے کے لیے میڈانتا نے موٹر بائیک سے مطابقت رکھنے والی الٹرا پورٹیبل ایکسرے مشینیں اور موبائل وین لانچ کیں جو اس پروگرام کو مزید پسماندہ کمیونٹیز تک پہنچنے کے قابل بنائے گی۔ میدانتا نے سرکاری اور نجی شعبے کی تنظیموں کے ساتھ شراکت میں ‘آروگیہ کرمی’ پروجیکٹ بھی شروع کیا۔ اس سے صنعتی کارکنوں میں ٹی بی اور اس سے متعلق مسائل جیسے پھیپھڑوں کے امراض اور غیر متعدی امراض کے بارے میں آگاہی، بروقت تشخیص اور علاج میں بہتری آئے گی۔ پورٹیبل ایکس رے ڈیوائسز، اے آئی معاون تشخیصی جیسی جدید ٹیکنالوجی کا استعمال جاری رہے گا۔
