نئی دہلی : دفاعی تحقیق اور ڈیولپمنٹ تنظیم (ڈی آر ڈی او) نے احمدنگر میں واقع کے کے رینج میں لیزر گائیڈیڈ ٹینک شکن میزائیل کا ارجن ٹینک سے کامیاب تجربہ کیا ہے ۔ٹسٹ کے دوران ٹینک شکن میزائیل نے تین کلومیٹر دور واقع اپنے ہدف کو ٹھیک سے نشانہ لگایا۔ اس میزائیل کو متعدد پلیٹ فارم سے لانچ کئے جانے کی اہلیت کے ساتھ ترقی دی گئی ہے اور ابھی اس کے ٹسٹ کئے جارہے ہیں۔یہ میزائیل پونے میں واقع آرمانمنٹ ریسرچ اینڈ ڈویلپمنٹ اسٹیبلشمنٹ ، ہائی انرجی میٹریل ریسرچ لیبارٹری اور دہرادون میں قائم انسٹرومنٹ ریسرچ اینڈ ڈویلپمنٹ اسٹیبلشمنٹ نے مشترکہ طور پر تیار کیا ہے ۔
