برسلز ۔22ستمبر ( سیاست ڈاٹ کام ) یورپی یونین کی اعلیٰ عدالت نے وینزویلا کی اس درخواست کو مسترد کر دیا ہے جس میں کہا گیا تھا کہ برسلز کی جانب سے عائد کی گئی پابندیوں کو ختم کیا جائے، یہ پابندیاں ملک میں انسانی حقوق کی صورت حال خراب ہونے کے سبب عائد کی گئی تھیں۔ واضح رہے کہ دو برس سے زیادہ عرصے سے جاری سنگین سیاسی بحران نے پہلے ہی وینزویلا کو ہلا کر رکھ دیا ہے۔یورپی یونین کی دوسری بڑی عدالتی اتھارٹی نے اپنے فیصلے میں کہا کہ وینزویلا کے صدر نکولس میدورو کی حکومت کے وکلائکی جانب سے یورپی یونین کی عائد کردہ پابندیوں کو منسوخ کرانے کی کوشش ناقابل قبول ہے،ان پابندیوں کے تحت یورپی کمپنیاں متعین مصنوعات وینزویلا برا?مد نہیں کر سکتیں۔عدالت کے مطابق اس بات کے پیش نظر کہ پابندیوں میں وینزویلا کو براہ راست ہدف نہیں بنایا گیا کراکس حکومت کی جانب سے ان کے خلاف اپیل قانونی طور پر قابل قبول نہیں۔یاد رہے کہ نومبر 2017ء میں یورپی یونین نے وینزویلا کو ایسے ہتھیاروں اور ساز و سامان کی برآمدپر پابندی کیلئے اقدامات کیے جو وہاں صدر میدورو کے خلاف احتجاجی مظاہرین کو خاموش کرانے کیکیلئے استعمال کیے جا سکتے تھے۔