اسلام آباد: حکومت پاکستان نے روپئے کی گرتی ہوئی قدر کے پیش نظر پٹرول کی قیمت میں 22.20 روپے اور ڈیزل 17.20 روپے فی لیٹر مہنگا کرنے کا اعلان کردیا ہے۔حکومت کی جانب سے جاری نوٹیفکیشن کے مطابق پٹرول کی فی لیٹر قیمت میں 22.20 روپے، ڈیزل کی قیمت میں 17.20 روپے، مٹی کے تیل کی قیمت میں 12.90 روپے اور لائٹ ڈیزل اآئل کی قیمت میں 9.88 روپے فی لیٹر بڑھانے کا اعلان کیا گیا ہے۔ پٹرولیم اشیاء کی نئی قیمتیں اسطرح ہیں۔پٹرول فی لیٹر: 272 روپے‘ہائی اسپیڈ ڈیزل فی لیٹر 280 روپے‘مٹی کا تیل فی لیٹر202 روپے 73 پیسے‘لائٹ ڈیزل آئل فی لیٹر 196 روپے 68 پیسے۔حکومت کی جانب سے پیٹرولیم مصنوعات کی قیمتوں میں اضافے کی وجہ روپے کی قدر میں گرتی ہوئی کمی کو مستحکم کرنا ہے۔قیمتوں میں اضافے کا اطلاق آج رات 12بجے سے ہو گیا ہے۔واضح رہے کہ حکومت کی جانب مسلسل دوسری بار پٹرولیم مصنوعات کی قیمتوں میں بڑا اضافہ کیا گیا ہے جہاں اب سے 15دن قبل بھی قیمتوں میں بے انتہا اضافہ کیا گیا تھا۔
یکم فروری کو حکومت نے پٹرول اور ڈیزل کی قیمت میں 35، 35 روپے فی لیٹر اضافہ کیا تھا۔اس کے علاوہ مٹی کے تیل اور لائٹ ڈیزل کی قیمت میں 18، 18 روپے فی لیٹر کا اضافہ کیا گیا تھا۔بتا یا گیا ہے کہ بین الاقوامی مالیاتی فنڈ کے قرض کی پابجائی کے ضمن میں یہ اضافہ کیا گیا ہے۔