اسلام آباد : 14مئی ( ایجنسیز) پاکستان نے چہارشنبہ کے روز ہندوستانی بارڈر سیکورٹی فورس (بی ایس ایف) کے ایک جوان کو واپس کر دیا ہے جو گزشتہ ماہ مبینہ طور پر پاکستانی حدود میں داخل ہوا تھا۔بھارت کی جانب سے جاری ایک سرکاری بیان میں کہا گیا ہے کہ بی ایس ایف کے جوان کی شناخت پورنم کمار شاہو کے طور پر کی گئی ہے جو 23 اپریل سے پاکستانی رینجرز کی تحویل میں تھا اور اسے بدھ کے روز شمالی ہندوستان کے امرتسر میں اٹاری کی مشترکہ چیک پوسٹ کے ذریعے ہندوستان کے حوالے کیا گیا۔بیان میں کہا گیا ہے کہ حوالگی پرامن طریقے سے اور طے شدہ پروٹوکول کے مطابق کی گئی۔ہند وستانی فوجی کی رہائی ایسے وقت میں ہوئی ہے جب 22 اپریل کو ہندوستان کے زیر انتظام کشمیر میں نامعلوم مسلح افراد کے حملے میں 26 افراد ہلاک ہوئے تھے جن میں زیادہ تر ہندو ستانی سیاح تھے۔امریکہ کی ثالثی سے جنوبی ایشیا کے دو پڑو سی ممالک کے درمیان جنگ بندی کا معاہدہ طے پانے کے بعد یہ کشیدگی ختم ہو گئی جو گزشتہ ہفتہ سے نافذ العمل ہے۔
