لندن۔ انگلینڈ کے سابق کپتان مائیکل وان نے پیش قیاسی کی ہے کہ بین اسٹوکس کے نہ ہونے کے باوجود میزبان ٹیم پاکستان کے خلاف تین ٹسٹ میچوں کی سیریز میں کلین سویپ کرے گی ۔ بین اسٹوکس نیوزی لینڈ کا سفر کررہے ہیں جہاں ان کے والد شدید علالت کے بعد زیر علاج ہیں۔ دوسرے اور تیسرے ٹسٹ میں وہ انگلینڈ کی ٹیم کا حصہ نہیں ہوں گے ۔ بین اسٹوکس کی جگہ فاسٹ بولر اولی رابنسن کو پاکستان کے خلاف ٹیم میں شامل کیا گیا ہے ۔ مائیکل وان نے اپنے بلاگ میں لکھا کہ اس ڈریسنگ روم میں وہ ایک بڑاکردار ادا کرتے ہیں ۔ اگرچہ بین اسٹوکس باہر ہیں لیکن میرے خیال میں انگلینڈ بہت مضبوط ٹیم رہے گی۔ انگلینڈ سیریز3-0 سے جیت جائے گا ۔کرس ووکس اور جوس بٹلر کی شاندار اننگز اور شراکت کی بنیاد پر انگلینڈ نے اظہر علی کی زیر قیادت پاکستان کو شکست دی۔ پاکستان کی میچ میں موقف مضبوط ہونے کے باوجود چوتھے روز انگلینڈ کی اس جوڑی نے مہمان ٹیم کو شکست دی۔ وان نے کہا کہ اظہر علی ٹسٹ میچوں میں ایک نوجوان کپتان ہیں لیکن ٹسٹ میچوں میں تجربہ کارکھلاڑی ہیں۔ میرے خیال میں پہلی مرتبہ بیرون ملک میچ جیتنے کا ان کا موقع تھا۔اسی کے ساتھ ہی پاکستان کے معاون کوچ وقار یونس کو امید ہے کہ بین اسٹوکس کی عدم موجودگی سے پاکستانی کرکٹ ٹیم فائدہ اٹھا سکے گی۔
