اسلام آباد : وزیراعظم شہباز شریف کا کہنا ہیکہ پاکستان روس کے ساتھ دوطرفہ تعلقات کو مزید مستحکم کرنے کا خواہاں ہے۔ذرائع کے مطابق وزیراعظم شہباز شریف نے روسی صدر ولادیمیر پوٹن کو جوابی خط لکھ دیا ہے۔روسی صدر پوٹن کی شہباز شریف کو وزیراعظم منتخب ہونے پر مبارکباد ذرائع کا کہنا ہے کہ جوابی خط میں وزیراعظم شہباز شریف نے صدر پوٹن کے تہنیتی پیغام کا شکریہ ادا کیا۔ خط میں کہا گیا ہے کہ پاکستان روس کے ساتھ دوطرفہ تعلقات کو مزید مستحکم کرنے کا خواہاں ہے۔ خط کے متن کے مطابق وزیراعظم شہباز شریف نے کہا کہ پاکستان افغانستان کے معاملے پر روس کو ساتھ لیکر چلنا چاہے گا ۔ خیال رہے کہ روسی صدر نے گزشتہ ہفتہ شہباز شریف کو وزیراعظم منتخب ہونے پر مبارک باد کا خط لکھا تھا۔
