واشنگٹن۔ 31ڈسمبر ۔(سیاست ڈاٹ کام) امریکہ کے وزیر خارجہ مائیک پومپیو نے اقوام متحدہ کے سکریٹری جنرل انتونیو گوٹریس کے ساتھ ملاقات میں امریکہ کے عراق، شام پر حملے کا دفاع کیا۔وزات خارجہ کی ترجمان مورگن آرٹگز نے کہا کہ وزیر خارجہ نے سکریٹری جنرل گوٹریس کے ساتھ حال ہی میں عراق، شام میں امریکی حملے کو لے کر بات چیت کی، اس حملے میں ایک امریکی شہری کی موت ہو گئی اور کئی دیگر امریکی شہریوں کی زندگی خطرے میں پڑگئی۔ پومپیو نے اپنے ٹویٹر اکاؤنٹ پر کہا کہ عراق میں حالیہ حملوں کے بارے میں امریکی رد عمل کے بعد میں نے آج اقوام متحدہ کے سکریٹری جنرل انتونیو گوٹیرس سے بات کی ہے اور انہیں اس حوالے سے اطمینان دلایا کہ یہ کارروائی دہشت گردی کے خلاف جنگ، امریکی شہریوں اور ان کے مفادات کے تحفظ کے زمرے میں آتی ہے۔قابل ذکر ہے کہ امریکی محکمہ دفاع نے اتوار کو کہاتھا کہ عراق کے کرکک شہر میں حزب اللہ باغیوں کے حملے کے جواب میں امریکہ نے عراق اور شام میں پانچ کطائب حزب اللہ گروپوں کے خلاف ’دفاعی حملے‘ کئے تھے۔حال ہی میں امریکہ کی طرف سے کئے گئے حملے میں 25 ہلاک اور 51 دیگر زخمی ہو گئے تھے ۔
