روم: عیسائیوں کے روحانی پیشوا پوپ فرانسیس آئندہ برس مارچ میں عراق کا دورہ کریں گے۔پوپ فرانسیس کا دورہ عراق عالمی وبا کے بعد کسی بھی ملک کا پہلا دورہ ہوگا، کورونا وائرس نے دنیا میں پنجے گاڑے ہیں تب سے اب تک پوپ فرانسیس پہلی بار اٹلی سے باہر قدم رکھنے جا رہے ہیں۔پوپ فرانسیس عراق کے دارالحکومت بغداد میں قیام کریں گے، کہا جارہا ہے کہ پوپ فرانسیس 5 سے 8 مارچ تک عراق میں رہیں گے۔اس دورے کا مقصد دنیا بھر میں صحت کے ایمرجنسی پروگرام سے متعلق ہے۔ ترجمان کا کہنا ہے کہ اس دورے سے ہم عراق کے عوام سے ہمدردی ظاہر کرنا چاہتے ہیں۔
