نئی دہلی : عالمی بازار میں خام تیل میں تیزی جاری رہنے کے دباؤ میں جمعہ کو گھریلو سطح پر پٹرول اور ڈیزل کی قیمتوں میں مسلسل تیسرے دن اضافہ کیا گیا۔ جمعہ کو دارالحکومت دہلی میں پٹرول اور ڈیزل ایک بار پھر 35-35 پیسے فی لیٹر مہنگا ہو گیا۔ آج کے اضافے کے بعد دارالحکومت دہلی میں پٹرول 106.89 روپے فی لیٹر اور ڈیزل 95.62 روپے فی لیٹر تک پہنچ گیا۔ چہارشنبہ کو ان دونوں کی قیمتوں میں 35 سے 35 پیسے فی لیٹر کا اضافہ کیا گیا تھا۔ آج کے اضافے کے بعد ممبئی میں پٹرول 112.78 روپے اور ڈیزل 103.68 روپے فی لیٹر تک پہنچ گیا۔ مدھیہ پردیش کے دارالحکومت بھوپال میں پٹرول سب سے زیادہ مہنگا 115.54 روپے فی لیٹر اور ڈیزل 104.89 روپے فی لیٹر ، ، بنگلورمیں پٹرول 110.61 روپیے اور ڈیزل 101.49 روپیے فی لیٹر پر پہنچ گیا ہے ۔
پٹنہ کی طرح رانچی میں پٹرول کے ساتھ ہی ڈیزل بھی سنچری لگا چکا ہے ۔ پٹرول 101.23 روپیے اور ڈیزل 100.90 روپیے فی لیٹر پر ہے ۔ دہلی این سی آر کے نوئیڈا میں پٹرول 104.08 روپیے اور ڈیزل 96.26 روپیے فی لیٹر پر ہے ۔
