نئی دہلی : ملک میں پٹرول کی قیمتیں آج مسلسل پانچویں روزبھی ریکارڈ سطح پرمستحکم رہیں ۔ ڈیزل کی قیمتوں میں بھی مسلسل ساتویں دن کوئی تبدیلی نہیں کی گئی ۔معروف آئل مارکیٹنگ کمپنی انڈین آئل کارپوریشن کے مطابق جمعرات کے روز دہلی میں پٹرول 101.84 روپے اور ڈیزل 89.87 روپے فی لیٹر رہا ۔ ملک کے دیگرشہروں میں بھی پٹرول اور ڈیزل کی قیمتیں مستحکم رہی ۔ پٹرول اور ڈیزل کی قیمتوں کا یومیہ جائزہ لیا جاتا ہے اور اسی بنیاد پرروزانہ صبح 6 بجے سے نئی قیمتیں لاگو ہو جاتی ہیں ۔
