حیدرآباد /24 اگست ( راست ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ ربیع الاول 1447ھ زیر نگرانی مولانا سید حسن ابراہیم حسینی سجاد پاشاہ معتمد صدر مجلس علماء دکن آج 24 اگست اتوار 6 بجے شام حسینی بلڈنگ معظم جاہی مارکٹ میں منعقد ہوا ۔ شہر میں مطلع ابرآلود رہا اور ملک کے مختلف مقامات سے عام رویت کی اطلاعات ملیں جیسے بنگلور ، کرپہ ، بیطم چرلہ وغیرہ ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی کہ 25 اگست بروز پیر کو یکم ربیع الاول ہوگی ۔ اجلاس میں مولانا سید حسن ابراہیم حسینی قادری سجاد پاشاہ ، مولانا مفتی خلیل احمد ، مولانا سید محمود بادشاہ قادری زرین کلاہ ، مولانا سید آل مصطفی قادری الموسوی علی پاشاہ ، مولانا سید شیخن احمد قادری شطاری کامل پاشاہ ، مولانا سید وصی اللہ قادری ، مولانا ڈاکٹر سید علی حسینی قادری علی پاشاہ ، مولانا مشہود احمد قادری ، مولانا سید قادر محی الدین قادری جنید پاشاہ نے شرکت کی ۔ اس سال 1500 سالہ عیدمیلادالنبی ﷺ بروز جمعہ 5 ستمبر کو ہوگی ۔
شیعہ علماء کا بیان
٭٭ سید علی اصغر جعفری کے مطابق کل ہند شیعہ مجلس علماء و زاکرین نے یہ اعلان کیا کہ چاند نظر آیا ہے ۔ 25 اگست دوشنبہ پیر کو یکم ربیع الاول 1447ھ ہوگی ۔ اس کی تصدیق حسب ذیل علماء کرام نے کی ہے ۔ مولانا ڈاکٹر سید نثار حسین حیدر آقا ، مولانا رضا عباس خان ، مولانا مہدی حسن بہشی ، مولانا سید جلال حیدر ، مولانا سید جواد عابدی اور مولانا سید محب عابد ۔