مرکزی رویت ہلال کمیٹی صدر مجلس
علماء دکن کا اعلان
حیدرآباد۔/3 اکٹوبر، ( پریس نوٹ ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ ربیع الثانی 1446 ھجری زیر نگرانی حضرت مولانا سید حسن ابراہیم حسینی قادری سجاد پاشاہ معتمد صدر مجلس علماء دکن آج 3 اکٹوبر حسینی بلڈنگ معظم جاہی مارکٹ میں منعقد ہوا۔ شہر میں مطلع ابرآلود رہا اور ملک کے مختلف مقامات سے مطلع صاف ہونے کے باوجود عدم رویت کی اطلاعات موصول ہوئیں۔ لہذا تحت احکام شریعہ مرکزی رویت ہلال کمیٹی صدر مجلس علماء دکن اعلان کرتی کہ 4 اکٹوبر 2024 جمعہ 30 ربیع الاول رہے گی۔ اجلاس میں مولانا سید حسن ابراہیم حسینی قادری سجاد پاشاہ معتمد صدر مجلس علماء دکن و مولانا مفتی خلیل احمد، مولانا سید محمد اولیاء حسینی قادری مرتضیٰ پاشاہ، مولانا مفتی سید صغیر احمد نقشبندی قادری، مولانا سید شیخین احمد شطاری قادری کامل پاشاہ، مولانا ڈاکٹر سید علی حسینی قادری علی پاشاہ، مولانا سید قادر محی اجلدین قادری جنید علیشاہ اور جناب قاضی سید نوراللہ فاروق عارفی نے شرکت کی۔
شیعہ علماء کا بیان
٭٭ سید علی اصغر جعفری کے مطابق کُل ہند شیعہ مجلس علماء و ذاکرین نے یہ اعلان کیا کہ شہر حیدرآباد میں چاند نظر نہیں آیا اور نہ کہیں سے رویت ثابت ہوپائی ہے۔ لہذا 4 اکٹوبر 2024 کو 30 ربیع الاول 1446ھ ہوگی اور 5 اکٹوبر 2024 ہفتہ یکم ربیع الثانی 1446 ھ ہوگی۔ اس کی تصدیق حسب ذیل علماء کرام نے کی ہے: مولانا ڈاکٹر سید نثار حسین حیدر آقا، مولانا رضا عاس خاں، مولانا مہدی حسن بہشتی، مولانا سید جواد عابدی اور مولانا سید محبِ عابد۔
