مرکزی رویت ہلال کمیٹی صدر مجلس علماء دکن کا اعلان
حیدرآباد۔ 22 اکتوبر (پریس نوٹ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ جمادی الاول 1447ھ زیر نگرانی مولانا سید حسن ابراہیم حسینی سجاد پاشاہ معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا۔ شہر میں مطلع ابر آلود رہا اور ملک کے مختلف مقامات سے مطلع ابر آلود ہونے کی اطلاعات ملیں۔ کچھ مقامات پر مطلع صاف ہونے کے باوجود چاند نظر نہیں آنے کی اطلاعات ہیں۔ لہذا تحت احکام شرعیہ مرکزی رویت ہلال کمیٹی اعلان کرتی ہے کہ 23 اکتوبر 2025 بروز جمعرات 30 ربیع الثانی ہوگی۔ اجلاس میں مولانا سید حسن ابراہیم حسینی قادری سجاد پاشاہ، مولانا مفتی خلیل احمد، مولانا سید محمود بادشاہ قادری زرین کلاہ، مولانا سید مفتی صغیر احمد نقشبندی، مولانا سید شیخن احمد قادری شطاری کامل پاشاہ، مولانا ڈاکٹر سید علی حسینی قادری علی پاشاہ، مولانا مشہود احمد قادری، مولانا سید قادر محی الدین قادری جنید پاشاہ اور جناب قاضی سید نور اللہ فاروق عارفی نے شرکت کی۔
شیعہ مجلس علماء و ذاکرین کا بیان
سید علی اصغر جعفری کی اطلاع کے مطابق کل ہند شیعہ مجلس علماء و ذاکرین نے اعلان کیا ہے کہ چاند نظر نہیں آیا۔ لہذا 23 اکتوبر 2025 بروز جمعرات 30 ربیع الثانی 1447ھ ہوگی ۔ اس کی تصدیق مولانا ڈاکٹر سید نثار حسین حیدرآقا، مولانا رضا عباس خاں، مولانا مہدی حسن بہشتی، مولانا سید جلال حیدر، مولانا سید جواد عابدی اور مولانا سید محب عابد نے کی۔