حیدرآباد ۔18 جولائی (پریس نوٹ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ محرم الحرام 1445 ھ زیر نگرانی حضرت مولانا سید شاہ حسن ابراہیم حسینی قادری سجاد پاشاہ معتمد صدر مجلس علماء دکن 29 ذی الحجہ 18 جولائی منعقد ہوا ۔ ملک کے اکثر حصوں میں بارش کا سلسلہ ہے اور دیگر مقامات پر مطلع ابر آلود ہونے سے کہیں بھی رویت کی اطلاع نہیں ملی اس لئے تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ 19 جولائی چہارشنبہ 2023 کو 30 ذی الحجہ ہوگی۔ 20 جولائی روز پنچ شنبہ کو یکم محرم ہوگی۔ مولانا سید حسن ابراہیم حسینی قادری سجاد پاشاہ معتمد مجلس علماء دکن ‘مولانا مفتی خلیل احمد ‘ مولانا سید شاہ علی اکبر نظام الدین حسینی صابری ‘مولانا محمود پاشاہ قادری زرین کلاہ ‘ مولانا سید شاہ محمود صفی اللہ حسینی قادری وقار پاشاہ ‘ مولانا سید شاہ محمد اولیاء حسینی قادری مرتضیٰ پاشاہ ‘ مولانا مفتی سید صغیر احمد ‘ مولانا سید آل مصطفی قادری الموسوی علی پاشاہ ‘ مولانا سید قطب الدین حسینی زید باشاہ ‘ مولانا مشہود احمد قادری ‘ مولانا سید علی حسینی قادری علی پاشاہ سید شیخین احمد شطاری کامل پاشاہ قاضی سید نور اللہ فاروق عارفی نے شرکت کی ۔
شیعہ علماء کا بیان
سید علی اضغر جعفری کے مطابق کل ہند شیعہ مجلس علماء و ذاکرین نے اعلان کیا کہ شہر میں چاند نظر نہیں آیا اور نہ ہی کہیں سے رویت کی اطلاع ملی ہے۔ لہذا 19 جولائی 2023 ء چہارشنبہ کو 30 ذی الحجہ 1444 ھ ہوگی اور 20 جولائی 2023 ء جمعرات کو یکم محرم 1445 ھ ہوگی ۔ اس کی تصدیق حسب ذیل علماء کرام نے کی ہے ۔ مولانا سید نبی حسن زیدی ، مولانا ڈاکٹر سید نثار حسین حیدر آقا، مولانا رضا عباس خاں ، مولانا سید جواد عابدی اور مولانا سید محب عابد ۔
