نئی دہلی: لوک سبھا انتخابات کے چوتھے مرحلے میں 10 ریاستوں اور مرکز کے زیرانتظام علاقوں کی 96 سیٹوں پر 1717 امیدوار اپنی قسمت آزمائیں گے ۔الیکشن کمیشن نے جمعہ کو کہا کہ اس مرحلے میں آندھرا پردیش سے 25، بہار سے 5، جموں و کشمیر سے ایک، جھارکھنڈ سے 4، مدھیہ پردیش سے 8، مہاراشٹرا سے 11، اڈیشہ سے 4، تلنگانہ سے 17، اترپردیش سے 13 اور مغربی بنگال کی 8 سیٹوں کیلئے انتخابات ہوں گے ۔کاغذات نامزدگی کی آخری تاریخ یعنی 25 اپریل تک کل 4264 کاغذات نامزدگی داخل کیے گئے تھے ۔ کاغذات نامزدگی کی جانچ پڑتال کے بعد 1970 کے کاغذات نامزدگی درست پائے گئے ۔تلنگانہ کی 17 سیٹوں کے لیے 525 امیدوار، آندھرا پردیش کی 25 سیٹوں کے لیے 454، مہاراشٹرا کی 11 سیٹوں کے لیے 298 اور اتر پردیش کی 13 سیٹوں کے لیے 130 امیدوار میدان میں ہیں۔ جموں و کشمیر میں صرف ایک سیٹ کے لیے 24 امیدوار اپنی قسمت آزما رہے ہیں۔
