نارائن پور۔29 اپریل (سیاست ڈاٹ کام)چھتیس گڑھ کے نارائن پور ضلع میں پولیس اور نکسلائٹس میں آج فائرنگ کا تبادلہ ہوا جس میں دو جوان زخمی ہوگئے اور ایک خاتون نکسلی کو مار گرایا گیا ،جس کے پاس سے ایس ایل آر رائفل ،12بور بندوق برآمد کی گئی۔وہیں زخمی جوانوں کو بہتر علاج کے لئے ہیلی کاپٹر سے رائے پور روانہ کیاجارہا ہے ۔پولیس سپرنٹنڈنٹ موہت گرگ نے بتایا کہ کڈے نار سے صبح پولیس کی ٹیم روڈ اوپننگ کے لئے کریامیٹا کی سمت روانہ ہوئی تھی۔کچھ دور پہنچنے کے بعد گھات لگائے نکسلیوں نے اچانک فائرنگ کی۔دونوں سمت سے تقریباً ایک گھنٹے تک فائرنگ ہوئی،جس میں اسپیشل ٹاسک فورس کا کانسٹیبل بال کنور بگھیل اور ضلع ریزور پولیس فورس کا جوان راج کمار زخمی ہوگیا۔دونوں زخمی جوانوں کو بہتر علاج کے لئے ہیلی کاپٹر سے رائے پور روانہ کیاگیا۔مسٹر گرگ نے بتایا کہ جائے وقوع پر سرچنگ کے دوران وردی پہنے ایک خاتون کی لاش برآمد کی گئی اور ایک ایس ایل آر رائفل اور 12 بور بندوق برآمد کی گئی۔خاتون نکسلی کی ابھی شناخت نہیں ہوپائی ہے ۔انہوں نے بتایا کہ اس مڈبھیڑ میں کئی نکسلیوں کے زخمی ہونے کی خبر ہے ۔