حیدرآباد۔26۔اکتوبر(یواین آئی) پولیس نے تلنگانہ اورچھتیس گڑھ کی سرحد پر ہائی الرٹ جاری کر دیا ہے ۔پولیس نے ماؤنواز لیڈر ہڈما کی تلاش شروع کر دی ہے ۔ سیکورٹی فورسس دونوں ریاستوں کی سرحدوں پرگاڑیوں کا معائنہ کر رہی ہیں۔ پولیس ان علاقوں میں مختلف مقامات پر دھاوے بھی کررہی ہے ۔ گذشتہ روز ہوئے انکاونٹر میں ماونوازوں کی ہلاکت کے بعد اس علاقہ کو پولیس نے گھیرلیا ہے اور ماونوازوں کی شدت کے ساتھ تلاش کی جارہی ہے ۔