بیجنگ۔ 9 اگست (ایجنسیز) چین کی جانب سے امریکہ اور روس کے تعلقات میں بہتری سے متعلق خواہش کا اظہار کیا گیا ہے۔ چینی صدر شی جن پنگ اور روس کے صدر ولادیمیر پوٹن کے درمیان ٹیلیفونک رابطہ ہوا۔ چینی میڈیا کے مطابق ٹیلی فونک گفتگو کے دوران صدر شی جن پنگ نے صدر پوٹن سے کہا کہ چین، روس اور امریکہ میں رابطہ برقرار رکھنے، تعلقات کو بہتر بنانے اور یوکرین کے بحران کے سیاسی حل کو فروغ دینا چاہتا ہے۔ یاد رہے کہ امریکی صدر ٹرمپ اور روسی صدر پوٹن کے درمیان 15 اگست کو الاسکا میں ملاقات طے پائی ہے۔ صدر ٹرمپ نے سوشل میڈیا پر بیان جاری کرکے پوٹن سے ملاقات کے متعلق آگاہ کیا ہے۔ اس سے قبل ٹرمپ نے وائٹ ہاؤس میں کہا تھا کہ وہ جَلد روسی صدر پوٹن سے ملاقات کریں گے۔
