بیجنگ ۔ 4اکٹوبر (سیاست ڈاٹ کام) چین کی حکمراں کمیونسٹ پارٹی کے 58 سالہ رکن ’ژانگ کیوی‘کے مکان پر پولیس کے چھاپے کے دوران وہاں سے 40 ارب ڈالر مالیت کی کرنسی اور تیرہ ٹن سونا برآمد کیا گیا ہے۔ اس واقعے نے چین میں کرپشن اور لوٹ مار کے تمام سابقہ ریکارڈ توڑ دیے ہیں۔العربیہ ڈاٹ نیٹ کے مطابق حال ہی میں پولیس کو ڑانگ کیو کے گھرمیں بھاری مقدار میں سونا اور کرنسی کی موجودگی کا شبہ ہوا تو پولیس نے جنوبی چین میں ’ھنان‘ میں ہاکائی کے علاقے میں واقع ژانگ کیوی کے مکان پر چھاپہ مارا۔ پولیس نے گھر میں مکمل تلاشی کی جہاں سے پولیس کو 13 ٹن وزنی سونے کی سلاخیں جن کی مالیت 60 کروڑامریکی ڈالر اور چینی یوآن، جاپانی ین، امریکی ڈالر اور یورو سمیت دیگر کرنسیوں کی کل مالیت کے 40 ارب ڈالرس ملے۔ ایسا معلوم ہورہا تھا کہ ایک چینی شخص نے اپنی گھر پرمرکزی بنک بنا رکھا ہے۔ژانگ کو ایک ہفتہ قبل حراست میں لیا گیا تھا۔ اس پر کرپشن اور بھاری مقدار میں رشوت وصول کرنے کا الزام ہے۔