نئی دہلی : نائب صدر جمہوریہ ایم وینکیا نائیڈو نے بابا صاحب بھیم راؤ امبیڈکر کے برسی پر انہیں خراج عقیدت پیش کیا۔مسٹر نائیڈو نے اتوار کے روز ایک پیغام میں کہا کہ ڈاکٹر امبیڈکر کے خوابوں کو پورا کرنا ہر ہندوستانی کا فرض ہے ۔ انہوں نے کہا ‘‘ہمارے آئین کے معمار بابا صاحب ڈاکٹر بھیم راؤ امبیڈکر کے مہا پری نروان دوس پر انہیں سلام۔ سماجی اور معاشی شموولیت والی جمہوریت کا جو خواب انہوں دیکھا تھا، اسے شرمندہ تعبیر کرنا ہم سب کا فرض ہے ‘‘ ۔ مرکزی وزیر داخلہ امت شاہ ، وزیر دفاع راجناتھ سنگھ ، وزیر اطلاعات نشریات پرکاش جاوڈیکر اور اقلیتی امور کے وزیر مختار عباس نقوی نے اتوار کے روز بابا صاحب ڈاکٹر بھیم راؤ امبیڈکر کو ان کے مہاپرینروان دیوس پر خراج عقیدت پیش کیا۔ یہ ملک ان کی شراکت کو کبھی فراموش نہیں کرے گا۔آج ڈاکٹر امبیڈکر کی 64 ویں برسی ہے ۔ 06 دسمبر 1956 کو دہلی میں ان کا انتقال ہوگیا تھا۔مسٹر شاہ نے ڈاکٹر امبیڈکر کو یاد کرتے ہوئے کہا ، ‘‘ایک مستقبل اور ہمہ جہت آئین دے کر ملک میں ترقی ، خوشحالی اور مساوات کی راہ ہموار کرنے والے بابا صاحب کو مہاپیرینروان دیوس پرخراج عقیدت ۔ باباصاحب کے نقش قدم پر چلتے ہوئے ، مودی حکومت کئی دہائیوں سے محروم طبقوں کی فلاح و بہبود کے لئے لگن کے ساتھ کام کر رہی ہے ۔’’مسٹر سنگھ نے کہا ، ‘‘میں باباصاحب بھیم راؤ امبیڈکر جی کی برسی کے موقع پر ان کو خراج عقیدت پیش کرتا ہوں۔ ان کی زندگی اور افکار ہم سب کے لئے متاثر کن ہیں۔ سبکا ساتھ اور سبکا وکاس کے ان کے خیالات تحریک دینے والے اور متاثرکن ہیں۔ یہ ملک باباصاحب کے تعاون کو کبھی فراموش نہیں کرے گا۔’’مسٹر جاوڈیکر نے ٹویٹ کیا ، مہارپریروان دیوس پر بھارت رتن باباصاحب ڈاکٹر بھیم راؤ امبیڈکر کو خراج عقیدت ۔ ان کی زندگی کے پانچ تیرتھوں کی ترقی کرکے اور 26 نومبر کو یوم آئین منا کر مودی حکومت نے ان کی زندگی کو سچا خراج عقیدت پیش کیا۔
