اس دوران ماہر امراض اطفال ڈاکٹر کفیل خان نے کانگریس جنرل سکریٹری پرینکا گاندھی سے ان کی نئی دہلی میں واقع رہائش گاہ پر اپنی فیملی کے ساتھ ملاقات کی۔پردیش کانگریس نے پیر کو ملاقات کی تصویریں آفیشیل ٹوئٹر اکاونٹ پر شیئر کی ہیں۔ شہریت(ترمیمی)قانون کے خلاف اشتعال انگیز تقریر کرنے کے الزام میں ڈاکٹر کفیل خان کو گرفتار کیا گیا تھا۔کانگریس کے اقلیتی سیل نے ان کی رہائی کیلئے بڑے پیمانے پر احتجاجی مہم چلائی تھی۔جیل سے رہا ہونے کے بعد پرینکا گاندھی نے فون کر کے ڈاکٹر کفیل اور ان کی فیملی سے بات چیت کر کے اُن کا حال معلوم کیا تھا اور ہر ممکن تعاون کا بھروسہ دلایاتھا۔پارٹی ذرائع کے مطابق ڈاکٹر کفیل اور ان کی ڈاکٹر اہلیہنے کانگریس جنرل سکریٹری سے ملاقات کی۔ اس موقع پر ریاستی کانگریس کے صدر اجے کمار للو اور اقلیتی سیل کے چیئر مین شاہنواز عالم بھی موجود تھے ۔
