نیویارک: عالمی ادارہ صحت کے ڈائریکٹر جنرل ڈاکٹر ٹیڈروس ایڈہا نوم نے اتوار کو دیے گئے بیان میں کہا ہیکہ کورونا ٹسٹ مثبت آنے والے ایک شخص سے ملاقات کے بعد انہوں نے خود کو ذاتی طور پر قرنطینہ کر لیا ہے جب کہ انہوں نے اس بات پر زور دیا ہے کہ ان میں کورونا کی کوئی علامت موجود نہیں ہے۔ڈاکٹر ٹیڈروس نے سماجی رابطے کی ویب سائٹ ٹوئٹر پر لکھا تھا کہ ’میری ملاقات کسی ایسے شخص سے ہوئی ہے جن کا کورونا ٹسٹ مثبت آیا ہے۔‘اس حوالے سے مزید بات کرتے ہوئے انہوں نے لکھا کہ ’میں خیریت سے ہوں اور مجھ میں کورونا کی کوئی بھی علامت نہیں ہے، لیکن آنے والے دنوں میں خود کو قرنطینہ کرنے کے بعد ڈبلیو ایچ او کی ہدایات کے مطابق گھر سے کام کریں گے۔ٹیڈروس اس وبائی بیماری سے لڑنے کے لیے اقوام متحدہ کی صحت ایجنسی کی جانب سے کی جانے والی کوششوں میں سب سے آگے رہے ہیں۔گذشتہ سال چین سے پھیلنے والے اس وائرس نے دنیا بھر میں تقریباً 1.2ملین زندگیوں جب کہ 46 ملین سے زائد افراد کو متاثر کیا ہے۔
