بنگلورو۔ جیل میں قید کنڑ سوپر اسٹار درشن کی وہ تصویر جس میں وہ بنگلورو کے پارپنا اگرہارا کی سنٹرل جیل کے اندرکافی اور سگریٹ کے کپ سے لطف اندوز ہوتے ہوئے دکھائی دے رہے ہیں، اتوارکو سوشل میڈیا پر وائرل ہوئی، جس میں جیل حکام کی جانب سے ان کے ساتھ ترجیحی سلوک کرنے پر سوالات اٹھ رہے ہیں۔ درشن اپنے پرستاررینوکاسوامی کے اغوا اور وحشیانہ قتل مقدمہ میں دوسرا ملزم ہے۔ تصویر میں دکھایا گیا ہے کہ درشن ایک کافی کا مگ پکڑے کرسی پر ٹانگیں ٹکائے بیٹھے ہیں۔ وہ دوسرے ہاتھ میں سگریٹ پکڑے ہوئے بھی نظرآتا ہے اور جیل کے اندر خوش اور مزے کرتا نظر آرہا ہے ۔تصویر میں یہ بھی دکھایا گیا ہے کہ درشن اپنے مینیجر اورجیل کے دیگر دو قیدیوں کے ساتھ کرسیوں پر بیٹھے ہوئے ہیں اور بغیرکسی خوف اور پریشانی کے خوشگوارگفتگو کر رہے ہیں۔اتوار کو یہ تصویر وائرل ہوئی جس میں شبہ پیدا ہوا کہ درشن اور اس کے قریبی ساتھیوں کو جیل کے اندر خصوصی سہولیات فراہم کی جا رہی ہیں۔ذرائع نے کہا ہے کہ جیل حکام نے درشن کو جیل کے اندر گھومنے پھرنے اور قیدیوں سے ملنے کی اجازت دے دی ہے۔اس پیشرفت نے رینوکاسوامی کے خاندان کو صدمہ پہنچایا ہے، ایک پرستار جسے درشن، اس کے ساتھی پاویتھرا گوڈا اور دیگر 15 افراد نے بے دردی سے قتل کر دیا تھا۔
