بھوپال: مدھیہ پردیش کے وزیر اعلی شیوراج سنگھ چوہان نے آج کہا کہ کیا کانگریس لیڈر پارٹی صدر سونیا گاندھی کے کہنے پر افسران اور ملازمین کو دھمکیاں دے رہے ہیں۔چوہان نے ویڈیو کے ذریعے ایک بیان جاری کرتے ہوئے کہا کہ کانگریس لیڈر کبھی عملے کے افسران کو دھمکیاں دیتے ہیں اور کبھی خواتین کو دھمکی دیتے ہیں۔ کیا یہ دھمکی کانگریس قائد سونیا گاندھی کے کہنے پر دی جارہی ہے ؟انہوں نے کہا کہ کانگریس نے تمام اسکیموں کی فنڈنگ روک دی۔ بیگا، بھاریہ اور سہریا بہنوں کے کھاتوں میں جانے والی ایک ہزار روپے کی رقم روک دی گئی لیکن ریاست میں اب بھی مکھیہ منتری لاڈلی بہنا یوجنا کے ذریعہ پیسہ آرہا ہے دھنتیرس سے پہلے بھی آرہا ہے اوربعد میں بھی مسلسل آتا رہے گا۔ انہوں نے کہا کہ پرینکا اور راہول گاندھی دونوں مسلسل جھوٹ بول رہے ہیں۔ کانگریس کی حکومت والی ریاستوں کی ناکامیوں اور گھپلے کا الزام دوسری ریاستوں کی حکومتوں پر لگایا جاتا ہے ۔ انہوں نے کہا کہ گاندھی خاندان کس منہ سے بدعنوانی کی بات کرتا ہے ؟ دنیا ان کے گھپلے کو جانتی ہے ۔
جو لوگ ضمانت پر باہر ہیں وہ بدعنوانی کے الزامات کس منھ سے لگا رہے ہیں؟ جہاں بھی کانگریس کی حکومتیں ہیں وہ بدعنوانی میں گہری ڈوبی ہوئی ہیں۔