نئی دہلی، 19اپریل (سیاست ڈاٹ کام) کانگریس نے ای کامرس کمپنیوں کے لئے غیرضروری اشیا کی فروخت سے متعلق ہدایات بدلنے کے اس کے مشورہ پر توجہ دینے کے لئے حکومت کا شکریہ ادا کیا ہے۔ ایک دن پہلے ہی پارٹی کے سابق صدر راہول گاندھی نے لاک ڈاون کی وجہ سے اقتصادی بحران سے دوچار کسی بھی ہندوستانی کمپنی کو غیرملکی کمپنیوں کے ذریعہ حصول نہیں کرنے دینے کے ان کے انتباہ کو ذہن میں رکھتے ہوئے پالیسی ساز فیصلہ کرنے کے لئے حکومت کا شکریہ ادا کیا تھا۔انہوں نے ٹوئٹ کیا کہ ای کامرس کمپنیوں کو غیر ضروری سامان فروخت کی اجازت دینے کے حکومت کے فیصلے پر کانگریس پارٹی نے کل اعتراض ظاہر کرتے ہوئے اسے لاک ڈاون کی وجہ سے اپنے ایسٹیبلشمنٹ بند کرچکے ملک کے سات کروڑ سے زیادہ چھوٹے کاروباریوں کے ساتھ ناانصافی قرار دیا تھا۔ اس فیصلہ کو ہماری مانگ کے مطابق واپس لینے کے لئے حکومت سے اظہار تشکر کیا گیا ۔ دیر سے ہی صحیح درست آئے۔حکومت کے اس فیصلے پر ملک کے خوردہ کاروباریوں نے خوشی ظاہر کی ہے۔