جے پور : راجستھان میں بھارتیہ جنتا پارٹی (بی جے پی) کے ریاستی صدر ، ڈاکٹر ستیش پونیا نے کانگریس پارٹی میں خواتین مخالف ذہنیت کا جگ ظاہر باتے ہوئے کہا ہے کہ کانگریس حکومت کے نمائندوں کی جانب سے مغرور غیر مہذب زبان کا استعمال قابل مذمت ہے ۔ ڈاکٹر پونیا نے وزیر تعلیم گووند سنگھ ڈوٹاسرا کے ایک خاتون کونسلر کے ساتھ مبینہ تبصرے کے سلسلے میں سوشل میڈیا کے ذریعے یہ بات کہی۔ انہوں نے کہا کہ وزیر تعلیم ہونے کے ناطے ایسی زبان استعمال کرنا آئینی ڈھانچے کی توہین ہے ۔ ان کے علاوہ مرکزی وزیر مملکت برائے پارلیمانی ، ارجن میگھوال نے کہا کہ عوام سے جھوٹ بول کر اور گمراہ کرکے حکومت میں آنے والی کانگریس حکومت اقتدار کے نشے میں ڈوب کر عوامی خدمت سے سے کوسوں دور چل رہی ہے ۔ بیکانیر میں کسی خاتون کے ساتھ ایسا ناروا سلوک قابل مذمت ہے ۔ ریاست کے عوام کانگریس کو جلد ہی جواب دیں گے ۔ ریاستی اسمبلی میں حزب اختلاف لیڈر راجیندر سنگھ راٹھور نے کہا کہ کانگریس کے ریاستی صدر اور وزیر تعلیم نے بیکانیر میں اپنی ہی پارٹی کی ایک خاتون لیڈر سے جو بد سلوکی اور توہین آمیز ریمارکس دیئے ہیں اس سے کانگریس کی خواتین مخالف سوچ ظاہر ہوتی ہے ۔ انہوں نے کہا کہ خواتین کی توہین کرنا کانگریس کا کلچر رہا ہے ۔ واضح ر ہے کہ ہفتہ کے روز بیکانیر کے سرکٹ ہاؤس میں مسٹر ڈوٹاسرا سے ملنے آنے والی کونسلر انجنا کھتری ان کی بات سے ناراض ہوگئی تھیں۔
