نئی دہلی ، 7 جولائی (یو این آئی) دہلی کے وزیر اعلی اروند کیجریوال نے بالی ووڈ کے عظیم اداکار دلیپ کمار کے انتقال پر تعزیت کی ہے ۔ کیجریوال نے اپنے تعزیتی پیغامات کو ٹویٹ کیا۔ انہوں نے کہا ، “ہندی فلم کے مشہور اداکار دلیپ کمار جی کا انتقال بالی ووڈ کے ایک باب کا اختتام ہے ۔ یوسف صاحب کی عمدہ اداکاری آرٹ کی دنیا کی یونیورسٹی کی طرح تھی۔ وہ ہم سب کے دلوں میں زندہ رہیں گے ۔ خدا مرحوم کی روح کو سکون دے ، دلی خراج عقیدت ۔ دلیپ کمار کا چہارشنبہ کے روز ممبئی میں انتقال ہوگیا۔ ان کی عمر 98 سال تھی ۔وہ طویل عرصے سے عمر سے متعلق بیماریوں میں مبتلا تھے ۔ سپر اسٹار اداکار دلیپ کمار کو 30 جون کو ممبئی کے ہندوجا اسپتال کے انتہائی نگہداشت یونٹ (آئی سی یو) میں داخل کیا گیا تھا۔
دہلی کے سرکاری اسپتال میں کورونا ویرینٹ کی جانچ ہوسکے گی:کجریوال
نئی دہلی: لوک نائک اسپتال اور مولانا آزاد میڈیکل کالج کی مشترکہ جینیٹک لیبارٹری میں سارس سی او وی۔2 جینوم سیکینسنگ کی سہولت کا افتتاح کرتے ہوئے دہلی کے وزیر اعلی اروند کجریوال نے بتایا کہ اب دہلی کے سرکاری اسپتال میں کورونا کے نئے ورژن کی جانچ کی جائے گی۔ کجریوال نے بتایا کہ یہ شمالی ہندوستان میں تیسری سہولت ہے ۔ اب تک ہمیں مرکزی حکومت کی این سی ڈی سی لیب میں نمونے بھیجنے پڑتے تھے ، لیکن اب ہم اس کو اپنی لیب میں جانچ کرسکیں گے ۔ جینیٹک تجزیہ کار مشینیں نئی قسموں کا تجزیہ کرکے ان کا پتہ لگایا جاسکے گا اور جب ویرینٹ کا پتہ چل جائے گا تو ہمیں اس سے نمٹنے کے لئے حکمت عملی بنانے میں مدد ملے گی۔ انہوں نے بتایا کہ یہ مشین ممکنہ تیسری لہر میں بہت مددگار ثابت ہوگی اور کورونا ختم ہونے کے بعد بھی وہ دیگر امراض کا تجزیہ کرسکے گی۔ وزیر اعلی نے لوگوں سے سوشل ڈسٹنسنگ پر چلنے کی اپیل کی ہے ۔ اگر احتیاطی تدابیر اختیار نہیں کی گئیں تو پھر کورونا پھیل جائے گا۔