ممبئی ۔ شاہ رخ خان نے سال 2023 میں ایک کے بعد ایک ہٹ فلمیں دیں۔ سال کے آغاز میں پٹھان نے ہنگامہ کھڑا کردیا تھا، جب کہ سال کے آخر میں ڈنکی نے دھوم مچا دی ہے۔ شاہ رخ خان کی اس فلم کو ریلیز ہوئے 5 دن ہوچکے ہیں۔ فلم باکس آفس پر اچھی کمائی جاری رکھے ہوئے ہے۔ شاہ رخ خان کی اس فلم کا سیدھا مقابلہ مشہور ساؤتھ اسٹار پربھاس کی فلم سالار سے ہے لیکن اب تک سالار ہندی باکس آفس پر ڈنکی کو پیچھے نہیں چھوڑ سکی ہے۔ پربھاس کافی عرصے سے ایک ہٹ فلم کی تلاش میں تھے، اب سالار نے وہ پوری کر دی ہے۔ پربھاس کی فلم سالار باکس آفس پر زبردست کمائی کر رہی ہے لیکن اس کے بعد بھی سالار ہندی باکس آفس پر شاہ رخ خان کی ڈنکی کو پیچھے نہیں چھوڑ پا رہی ہے۔ تو آئیے جانتے ہیں دونوں فلموں نے کرسمس پر کیسی کمائی کی۔ ساکنلک کی رپورٹ کے مطابق پربھاس کی فلم سالار نے چوتھے دن ہندی باکس آفس پر صرف 14.5 کروڑ روپے کی کمائی کی ہے جو فلم کی تیسرے دن کی کمائی سے کم ہے۔ وہیں شاہ رخ خان کی ڈنکی نے 5 ویں دن باکس آفس پر22.5 کروڑ روپے کی کمائی کی ہے۔
