ممبئی: بالی ووڈ میں کرینہ کپور کو ایک ایسی اداکارہ کے طور پر شمار کیا جاتا ہے جنہوں نے اداکاراؤں کو فلموں میں روایتی طور پر پیش کئے جانے کے طریقوں کو تبدیل کرتے ہوئے اپنی بے باک اداکاری سے ناظرین کے درمیان اپنی خاص شناخت بنائی۔21ستمبر 1980 کو ممبئی کی پیدائش والی کرینہ کو اداکاری کا فن وراثت میں ملا۔ ان کے والد رندھیر کپوراداکار جبکہ ماں ببیتا اور بہن کرشمہ کپور معروف فلم اداکارہ تھیں۔ کرینہ نے بطور اداکارہ اپنے فلمی کیریئر کا آغاز 2000 میں آئی فلم ریفیوجی سے کیا۔ اس فلم میں ان کے ہیرو کا کردار ابھیشیک بچن نے ادا کیا تھاجو ان کی بھی پہلی فلم تھی۔ فلم کوئی خاص کمال نہیں دکھا سکی۔ 2001میں آئی فلم مجھے کچھ کہنا ہے کرینہ کے کیریئر کی پہلی سوپر ہٹ فلم ثابت ہوئی۔کرینہ نے سیف علی خان سے شادی کی جو سیف کی دوسری شادی ہے۔
