اپوزیشن کی تحریک سے مارشل لا لگنے کا کوئی امکان نہیں: مریم نواز
کوئٹہ ۔ پاکستان میں عمران خان حکومت کی مسلسل ناکامیوں کے خلاف گوجرانوالہ اور کراچی کے بعد پاکستان ڈیموکریٹک موومنٹ (پی ڈی ایم) آج کوئٹہ میں طاقت کا مظاہرہ کر رہی ہے جسے ناکام بنانے کیلئے شہر میں دفعہ 144 فافذ کر دی گئی ہے ۔ موٹرسائیکل پر ڈبل سواری کی پابندی ہو گی۔ باوجودیکہ مسلم لیگ نون کی رہنما مریم نواز اور مولانا فضل الرحمان یہاں پہنچ گئے ہیں۔ پی پی پی لیڈر بلاول بھٹو کا ویڈیو لنک خطاب بھی متوقع ہے ۔ یہ اطلاع آن لائن میڈیا نے دی ہے ۔ دوسری طرف قومی انسداد دہشتگردی مقتدرہنے کوئٹہ میں دہشت گردانہ حملے کی وارننگ جاری کرتے ہوئے پیشگی خبردارکیا ہے کہ ممنوعہ تحریک طالبان پاکستان ( ٹی ٹی پی) پشاور اور کوئٹہ میں دہشت گردی مچانے کا ارادہ رکھتی ہے اور دہشت گردوں نے بم اور فدائی دھماکوں سے سیاسی اور مذہبی قیادت کو نشانہ بنانے کا منصوبہ بنارکھا ہے ۔ دوسری جانب مسلم لیگ (ن) کی نائب صدر مریم نواز کا کہنا ہے کہ اپوزیشن کی تحریک سے ملک میں مارشل لا لگنے کا کوئی امکان نہیں ہے۔ ن لیگ کی نائب صدر مریم نواز نے کہا کہ پاکستان ڈیموکریٹک موومنٹ (پی ڈی ایم) کی تحریک زور پکڑ رہی ہے، اور کوئٹہ کا جلسہ بہت اچھا ہو گا۔ مریم نواز نے کہا کہ اپوزیشن کی تحریک سے مارشل لا لگنے کا کوئی امکان نہیں ہے، عوام کو اب معلوم ہو گیا کہ مافیا کون ہے؟ یہ مارکیٹ سے اشیاء غائب کر کے مہنگے داموں مارکیٹ میں لاتے ہیں۔ ان کا مزید کہنا تھا کہ ہم نے انتظار کیا کہ یہ لوگ حکومت کیسے کرتے ہیں مگر یہ ناکام ہوگئے، اب اس حکومت کا عوام کے سامنے ٹھہرنا مشکل ہے۔ اپوزیشن رہنماؤں کے ایک دوسرے کے خلاف بیانات پر مریم نواز کا کہنا تھا کہ ایک دوسرے کو سڑکوں پر گھسیٹنے کی باتیں ماضی کا حصہ ہیں۔ خیال رہے کہ حکومت مخالف اپوزیشن اتحاد پاکستان ڈیموکریٹک موومنٹ کا تیسرا جلسہ آج کوئٹہ میں ہونے جا رہا ہے جس کے لیے تمام تر انتظامات بھی مکمل کر لیے گئے ہیں۔ دوسری جانب نیشنل کاؤنٹر ٹیررازم اتھارٹی (نیکٹا) نے کوئٹہ میں دہشت گرد حملے کا تھریٹ الرٹ جاری کرتے ہوئے خبردارکیا ہے کہ کالعدم تحریک طالبان پاکستان ( ٹی ٹی پی) نے پشاور اور کوئٹہ میں دہشت گردی کی منصوبہ بندی کی ہے۔نیکٹا کا کہنا ہے کہ دہشت گردوں نے بم اور خودکش دھماکوں سے سیاسی اور مذہبی قیادت کو نشانہ بنانے کا منصوبہ بنایا ہے۔