حیدرآباد یکم اگست (یواین آئی)تلنگانہ کے بھدرادری کوتہ گوڑم ضلع میں فائرنگ کے تبادلہ میں ایک ماونواز ہلاک ہوگیا۔یہ فائرنگ کا تبادلہ سی پی آئی ماوسٹ پارٹی کیڈر اور پولیس کے درمیان ہوا۔ایس پی سنیل دت نے اپنے بیان میں بتایا کہ انہیں چرلہ لوکل آرگنائزیشن اسکواڈ اور بٹالین ایکشن ٹیم کی نقل وحرکت کی اطلاع ملی۔یہ نقل وحرکت نکسلائیٹس کے 3اگست تک ہفتہ یادگار شہیداں کے سلسلہ میں جارہی تھی۔ اطلاع پر خصوصی پارٹیوں نے آپریشن انجام دیاگیا۔اس علاقہ میں تلاشی مہم کے دوران پولیس نے دس مسلح ماونوازوں کو دیکھا۔صبح تقریبا8.15بجے پولیس اور ماونوازوں کے درمیان فائرنگ کا تبادلہ ہوا،بعد ازاں پولیس کو ایک ماونواز کی لاش وہاں ملی جس کی عمر تقریبا23سال ہے ۔پولیس کو اس کی لاش کے قریب سے ایک 303ہتھیار اور دو کٹ بیگس بھی ملے ۔مزید تلاش کا کام جاری ہے ۔
