بیجنگ،7فروری (سیاست ڈاٹ کام) چین کے صدر شی جن پنگ نے جمعہ کو امریکی صدر ڈونالڈ ٹرمپ سے فون پر بات کی اور کہا کہ کورونا وائرس چین کی طویل مدتی ترقی کو متاثر نہیں کرے گا۔واضح رہے کہ نئے کورونا وائرس کا پہلا معاملہ دسمبر میں چین کے ووہان شہر میں سامنے آیا تھا اور اس کے بعد یہ وائرس 25سے زیادہ ملکوں میں پھیل گیا۔چین میں کورونا وائرس سے ابھی تک 636 لوگوں کی موت ہوچکی ہے اور 31،161لوگوں میں اس انفیکشن کے پائے جانے کی تصدیق ہوئی ہے ۔عالمی ادارہ صحت(ڈبلیو ایچ او)نے کورونا وائرس کے پیش نظر گزشتہ ہفتے عالمی صحت کے لئے ایمرجنسی کا اعلان کیاتھا۔
