ایڈیشنل ضلع کلکٹر کا دورہ کوہیر، پی ایچ سنٹر کا معائنہ، تفصیلات کا حصول
کوہیر۔ راجہ شری شاہ ایڈیشنل کلکٹر ضلع سنگاریڈی نے کوہیر منڈل کا دورہ کرتے ہوئے موضع دگوال میں واقع پرائمری ہیلت سنٹر (PHC) کا اچانک معائنہ کیا اور ڈاکٹر راج کمار سے تمام تفصیلات سے واقفیت حاصل کی۔ بعد ازاں ایڈیشنل کلکٹر نے بتایا کہ کورونا وائرس کوویڈ 19 کی دوسری لہر بڑی شدت کے ساتھ دستک دے رہی ہے۔ چند ہی دنوں میں ملک اور ریاست تلنگانہ میں سینکڑوں کی تعداد میں لوگ متاثر ہورہے ہیں، اس کے اثر کو ختم کرنے کے لئے عوامی تعاون نہایت ضروری ہے۔ انہوں نے کہاکہ غیر ضروری طور پر گھروں سے باہر نہ جائیں، ہر وقت ماسک کا استعمال کریں۔ انہوں نے کہا کہ شہر حیدرآباد میں ہاسپٹل میں روزانہ سینکڑوں کی تعداد میں کیسس درج کئے جارہے ہیں ۔ دواخانوں میں بستر خالی نہیں ہے۔ اس بار 45 سال کے افراد زیادہ متاثر ہورہے ہیں۔ اطلاعات کے مطابق ہواؤں سے وائرس بڑی تیزی کے ساتھ پھیل رہا ہے۔ انہوں نے کہا کہ کوہیر منڈل میں کوویڈ19 کی دوسری لہر میں 1749 نئے کیسس درج کئے گئے ہیں ان تمام کو گھروں میں ہی الگ رکھا گیا ہے اور طبی امداد پہنچائی جارہی ہے اور اس کے علاوہ کوہیر منڈل میں 445 افراد کو میکس کا ٹیکہ دیا گیا۔ اب تک 8561 افراد کا ٹسٹ کیا گیا ہے۔ کوہیر منڈل میں ویکسین کی کوئی قلت نہیں ہے۔ انہوں نے 45 سال سے زائد عمر والوں سے خواہش کی ہے کہ وہ دگوال پی ایچ سی سنٹر پہنچ کر لے ٹیکہ لے سکتے ہیں اپنی قوت مدافعت میں اضافہ کریں۔ زیادہ بھیڑ بھاڑ والے علاقوں میں نہ جانے کا مشورہ دیا اور اس موقع پر ایڈیشنل کلکٹر نے نرسری کا معائنہ کیا۔