ابوظہبی ۔ابوظہبی کی فیڈرل اپیل عدالت نے کورونا وائرس کے حوالے سے غلط خبر نشر کرنے اور معاشرے میں خوف پھیلانے کے الزام میں مقامی ٹی وی چینل کے رپورٹر اورایک غیر ملکی کے خلاف 2 برس قید کی سزا کے فیصلے کے توثیق کر دی ہے۔ امارات ٹوڈے کے مطابق مقامی ٹی وی کے ایک رپورٹر نے کورونا وائرس سے ایک ہی خاندان کے 5 افراد کی ہلاکت کی خبر نشرکی تھی جس کی معاونت ایک عرب ملک سے تعلق رکھنے والے غیر ملکی نے کی تھی۔ غلط خبرکی وجہ سے معاشرے میں کافی خوف ہراس پھیل گیا تھا۔ خبرنشرہونے کے بعد اس کی تردید وزارت صحت کی جانب سے بھی کی گئی تھی اور اس حوالے سے رپورٹر اور غیر ملکی کے خلاف مقدمہ بھی قائم کیا گیا۔ابتدائی عدالت نے غلط خبر پر دونوںکو2 برس قید کی سزا کے ساتھ غیر ملکی کے لیے ملک بدری کے احکامات بھی صادرکیے ۔ ابتدائی عدالتی فیصلے کے خلاف اپیل دائرکی گئی جس پر فیڈرل اپیل کورٹ نے حالات و شواہد کاجائزہ لیتے ہوئے سابق عدالت کے فیصلے کو برقراررکھتے ہوئے سزاکی توثیق کردی۔یا درہے کہ امارات میں کورونا وائرس کے پھیلاؤ کے سدباب کیلئے جہاں سخت اقدامات کئے جارہے ہیں وہیں عوام کو کہ ایس اوپیز کی خلاف ورزی کررہے ان پر جرمانہ عائد کیا جارہے۔
