نیویارک۔ کورونا وائرس کے نئے ویریئنٹ اومی کرون کی وجہ سے کرسمس کے موقع پر سفر کرنے والوں کی ایک بڑی تعداد متاثر ہوئی ہے۔ ’فلائٹ اووئر‘ نامی ویب سائٹ کے ڈیٹا کے مطابق جمعہ کے روز، جب کئی لوگ اپنے اپنے گھروں کو پہنچنے کی کوششوں میں تھے، دنیا بھر میں 2300 سے زائد پروازیں منسوخ ہوئیں۔ ہفتہ کو بھی 1400 پروازوں کی منسوخی کا اعلان کیا جا چکا ہے۔ بیشتر واقعات میں جہاز کا عملہ بیماری کی سبب ڈیوٹی نہ کرسکا، جس کی وجہ سے پرواز منسوخ کرنی پڑ گئی۔
