روم، 10 اپریل (سیاست ڈاٹ کام) عالمی وبا کوروناوائرس (کووڈ ۔ 19)سے بری طرح متاثر اٹلی میں اس انفیکشن سے مرنے والوں کی تعداد 18 ہزار سے تجاوز کرکے 18279 ہو گئی ہے جبکہ اس سے متاثرہ افراد کی تعداد 143626 ہو گئی ہے ۔ پوری دنیا میں کوروناسے سب سے زیادہ اموات اٹلی میں ہوئی ہیں۔اٹلی کے سیول سیکورٹی محکمہ کے سربراہ اینجیلو بوریلی نے جمعرات کو ٹیلی ویژن پر ایک پریس کانفرنس میں بتایا کہ گزشتہ 24 گھنٹوں کے دوران ملک میں کوروناوائرس سے 610 لوگوں کی موت ہوئی ہیں۔ بوریلی کے مطابق جمعرات کو اٹلی میں کوروناانفیکشن کے 4204 نئے کیس سامنے آئے ہیں جس سے اب تک کل متاثرہ مریضوں کی تعداد بڑھ کر 143626 ہو گئی ہے ۔ ان متاثرین میں وہ لوگ بھی شامل ہیں جن کی اس وبا سے موت ہو چکی ہے یا جو بالکل ٹھیک ہو چکے ہیں۔اٹلی میں اب تک کوروناکے 26491 مریض بالکل ٹھیک ہو چکے ہیں اور انہیں ہاسپٹل سے ڈسچارج کردیا گیا ۔
