بگوٹا : جنوبی امریکہ کے ملک کولمبیا میں 6.6کی شدت سے زلزلے کے جھٹکے محسوس کئے گئے ہیں۔کولمبیا جیولو جی سروس SGC کے مطابق زلزلہ مقامی وقت کے مطابق صبح 10 بج کر 5 منٹ پر آیا۔ اس کا مرکز’ اکانڈی’ قصبے سے 41 کلو میٹر دْور بحیرہ کریبین میں تھا۔ زلزلے کی شدت 6.6اور زیرِ زمین گہرائی 30 کلو میٹر ریکارڈ کی گئی ہے۔SGC کے مطابق زلزلے سے چند منٹ بعد بحیرہ کریبین میں ہی 4،6 کی شدت سے ایک اور زلزلہ آیا ہے۔کولمبیا قومی محکمہ آفات کے مطابق زلزلوں کی وجہ سے تاحال کوئی جانی یا مالی نقصان نہیں ہوا۔
