نئی دہلی: گزشتہ 24 گھنٹوں کے دوران ملک میں کوویڈ انفیکشن کے 11 ہزار سے زیادہ نئے معاملے سامنے آئے ہیں اور اس کے ساتھ ہی متاثرہ افراد کی کل تعداد 49 ہزار کے قریب پہنچ گئی ہے ۔صحت اور خاندانی بہبود کی مرکزی وزارت نے جمعہ کو یہاں بتایا کہ ملک میں گزشتہ 24 گھنٹوں کے دوران 11109 نئے لوگ کوویڈ سے متاثر ہوئے ہیں۔ اس کے ساتھ ہی کوویڈ متاثرین کی تعداد بڑھ کر 49622ہو گئی ہے اور انفیکشن کی شرح 5.01 فیصد ریکارڈ کی گئی ہے ۔وزارت کے مطابق گزشتہ 24 گھنٹوں میں 6456لوگ کوویڈ انفیکشن سے صحت یاب ہوئے ہیں۔
ری کوری کی شرح 98.70 فیصد ہے ۔ اسی عرصے میں 221725 کووڈ انفیکشن ٹسٹ کیے گئے ہیں۔گزشتہ 24 گھنٹوں کے دوران 457 کووڈ ویکسین لگائی گئی ہیں۔ اس کے ساتھ ہی ملک میں 220.66 کروڑ سے زیادہ کووڈ ویکسین لگائی جاچکی ہیں۔
