ترواننت پورم، 5 نومبر (یو این آئی) کیرالا کے وزیر محنت وی سیون کٹی 11 اور 12 نومبر کو نئی دہلی میں ہونے والی نیشنل لیبر اینڈ انڈسٹری منسٹرزکی کانفرنس میں ریاست کی نمائندگی کریں گے ۔ ریاستی حکومت نے کانفرنس کے دوران اٹھائے جانے والے مزدوروں کے حقوق کے ایجنڈے کو حتمی شکل دے دی ہے ۔ آج یہاں جاری ایک ریلیز میں کہا گیا ہے کہ کانفرنس کے دوران کیرالہ مزدوروں کی فلاح و بہبود کے کلیدی اقدامات پر مرکز کے ساتھ تعاون کرتے ہوئے مزدوروں کے حقوق کے تحفظ کی ضرورت پر زور دے گا۔ کیرالا مرکز کے چار لیبر کوڈز کی اس بنیاد پر سختی سے مخالفت کرے گا کہ موجودہ التزامات سماجی تحفظ، ٹریڈ یونین کے حقوق اور کم از کم اجرت کے تحفظات کو کمزور کرتے ہیں۔ ریاست اس بات پر زور دے گی کہ لیبر اصلاحات سے مزدوروں کیلئے ’’زندگی کی آسانی‘‘ کو مضبوط کیا جانا چاہیے اور ’’کاروبار کرنے میں آسانی‘‘ کو بہتر بنانے تک محدود نہیں رکھنا چاہیے۔ اس کے ساتھ ہی کیرالا نے پردھان منتری وکاس شیل بھارت روزگار یوجنا، توسیع شدہ ایمپلائز اسٹیٹ انشورنس کارپوریشن، کوریج اورای-شرم پورٹل جیسی اسکیموں پر مرکزی حکومت کے ساتھ تعاون کرنے پر آمادگی ظاہر کی ہے ۔ ریاست سوشل سیکورٹی نیٹ کو وسیع کرنے کیلئے ڈیٹا کو مربوط کرنے کیلئے ایمپلائز پراویڈنٹ فنڈ آرگنائزیشن کے ساتھ مل کر کام کرے گی اور تمام اضلاع میں ای ایس آئی سی کی یونیورسل رسائی یقینی بنانے کا ہدف رکھے گا۔ پرائمری ہیلتھ سینٹرز اور کمیونٹی ہیلتھ سینٹرز کے ذریعہ بنیادی اور کمیونٹی کی سطح پر صحت کی دیکھ بھال کی خدمات کو بڑھانے کیلئے ریاستی ای ایس آئی سی سوسائٹی کے قیام کے منصوبوں کے ساتھ ساتھ ای ایس آئی سی کے ساتھ ایک مفاہمت کی یادداشت پر غور کیا جا رہا ہے۔
ریلیز میں کہا گیا ہے کہ ریاست میں 3.29 کروڑ رجسٹریشن پہلے ہی مکمل ہو چکے ہیں۔ کیرالہ ای-شرم پورٹل کے تحت مزید غیر منظم، تعمیراتی، اور گگ/پلیٹ فارم کارکنوں کو لانے کی کوششوں کو تیز کرے گا۔ ریاستی حکومت ملک کے پہلے ڈی سنٹرلائزیشن مہارت کی ترقی کے ماڈل کو بھی پیش کرے گی، جس کے تحت ہر ضلع کو ایک علیحدہ لیبر مارکیٹ مانا جائے گا۔ یہ ماڈل مہارت کی تربیت تک وسیع رسائی کو یقینی بنانے کیلئے تمام محکموں اور نجی تربیتی مراکز کو مربوط کرتا ہے ۔
ریاست بھر میں تربیت کے معیار کو معیاری بنانے کیلئے نجی ہنر مندی کے تربیتی اداروں کیلئے ایک نئی ایکریڈیشن پالیسی کو منظوری دی گئی ہے ۔ پی ایم کے وی وائی 4.0 کے تحت، 34 کروڑ روپے کی لاگت سے 35390 امیدواروں کی ٹریننگ مارچ 2026 تک مکمل ہو جائے گی۔
مرکزی وزارت برائے ہنرمندی کی ترقی، کوچی میٹرو ریل کارپوریشن اور کیرالہ سکلز ایکسی لینس اکیڈمی کے اشتراک سے ایک قومی ادارہ برائے میٹرو اور ریل ٹیکنالوجی قائم کیا جائے گا۔
