واشنگٹن، 15 نومبر (سیاست ڈاٹ کام) امریکہ میں کیلی فورنیا کے سوگس ہائی اسکول میں فائرنگ کی سبب دو طلباء کی موت ہو گئی اور حملہ آور سمیت چار افراد زخمی ہوگئے ہیں۔ لاس اینجلس کے کاؤنٹی شیرف ایلیکس ولانوئیوا نے بتایا کہ فائرنگ میں زخمی دو لوگوں کی ہاسپٹل میں علاج کے دوران موت ہو گئی۔ ہلاک ہونے والوں میں 16 سالہ اور 14 سالہ طالب علم شامل ہیں۔انہوں نے بتایا کہ حملہ آور سمیت چار افراد زخمی ہیں۔ حملہ آور کی حالت نازک ہے ۔ حکام نے بتایا کہ اسکول کے سی سی ٹی وی فوٹیج میں ایک 16 سالہ طالب علم اپنے بیگ سے بندوق نکال کر پانچ افراد کو گولی مار تا ہوا نظر آ رہا ہے ۔ بعد میں اس نے اپنے سر میں بھی گولی مار لی۔ حملہ آور کی جمعرات کے روز سالگرہ تھی اور وہ سنگین حالات میں ہاسپٹل میں داخل ہے ۔ اس سے پہلے لاس اینجلس کاؤنٹی شیرف ڈپارٹمنٹ نے ایک بیان جاری کر کے بتایا تھا کہ سیاہ کپڑوں میں ملبوس ایک مشتبہ ایشیائی شخصیت جائے واقعہ پر دیکھا گیا تھا۔ سانتا کلیرٹا ویلی شیرف اسٹیشن نے ٹویٹ کرکے کہا کہ انہیں ایک شخص پر اس واقعہ کو انجام دینے کا شبہ ہے اور اس واقعہ کی گہرائی سے تحقیقات کی جا رہی ہے ۔